الهلال..125 عاما من الثقافة والتنوير

مناظرة شعرية

0 133

بقلم : ثروت الخرباوى

منذ ستة أعوام كتب الشاعر الكبير “جمال مرسي” قصيدة بالعامية عن محافظة كفر الشيخ التي ينتمي لها وأرسلها إلى صديقه ثروت الخرباوي الذي ينتمي لمحافظة الشرقية قال فيها:

نحن هنا نحن هنا
و الحكومه الجايه دي من عندنا
و ارجع التاريخ و ذاكر
ايوه ذاكر
تلقى خوفو بيه و خفرع
مولودين في حينا
حتى حتشبسوت زمانها
امها كانت سبيه لشعبنا
حتى ناصر و السادات
كانت جذورهم من هنا


و اوعى تحكي إن شوقي عاش في روكسي
و القناطر
لا يا شاطر
حتى شوقي كل شعره عننا
عمو لاظوغلي اللي على ظهر الحصان
ساب حصانه و جه يظغلل عندنا
سعد باشا
أيوه باشا
أصل كل باشا ارضهْ
شربت لما ارتوت من ميّنا
يوم تعالى هناك و زورنا
لو تحب


تلقي كل شبر فيه مليون مطب
و الشوارع ميه ميه
و المجاري مستويه
و الفرَح مالي البيوت في كل حارة
الرغيف أسمر مربرب فيه دوباره
و العباره
اننا هنجيب حكومه مننا
أصلنا شعب ديموقراطي كبير
كل يوم ناكل فطير
يعني يا ثروت تعالى تحت باطي
و اوعى عمرك يوم تطاطي
راح نخليك الوزير
أيوا يا سعادة الوزير
للثقافة و الإيافه و الشفافه
و أما يوم تنقد نقوملك بالطُّبَل و الزمامير
بس تكون خفيف علينا
خف عن كفر الأمير
ذا و إلا ..
ننزع الوزارة منك
يا ني منك
لو في يوم تبقى الوزير ؟

فرد عليه ثروت الخرباوي قائلا 

يعني كفر الشيخ تملي هي أم الأمكنه
راح تقولي سعد باشا كان بيزرع عندنا
أو لاظوغلي م البغاشا كان بياكل جنبنا
ولاّ حتشبسوت دي كانت  بنت عم لأمنا
دانتو كل اللي في تاريخكم طين وحبة أفدنه
صيادين أوفلاحين متبهدلين من ميت سنه
من دسوق ولاّ الحامول غاويين وبس الدندنه
.. أما عندي آه ياوعدي فوت وعدي فـ حينا
تلقى فـ الشرقية مجدي من قديم الأزمنه
مين يفوتنا في الطيابة مين يابابا زينا
الهرم فـ الجيزة يحلف بالتاريخ والفرعنه
والكرم عند الشراقوة .. ليس أكرم مننا
والسمك من سيدي سالم لو تشوفو قُل لنا

آه ياصاحبي يابن مرسي هات لي كرسي أصل انا
تعبان ونفسي إن نفسي تقوم وتهرب من هنا
مد إيدك جنب إيدي يلا ندعي لربنا
إن مصر تقوم وتصحى .. قد غفونا أزمنه
قوم يامصري م البحيرة وبور سعيد أو من قنا

الكفاروة يابن عمي هما دمي هما طينة أرضنا

هما ملح الأرض نبض العرض قمح الأفدنه

واحنا وانتم حاجة واحدة مش هانخدع نفسنا

أما هما في الفساد إخوان وأهل الشيطنة

 

اترك رد

لن يتم نشر عنوان بريدك الإلكتروني.